Haq Pasand o Haq Nawa o Haq Numa Milta NahiƱ
Mustafa Haidar Hasan Ka Aa-ina Milta NahiƱ
Khoob Surat Khoob Seerat Woh Ameen e Mujtaba
Ashraf o Afzal, Najeeb e Zaahira Milta NahiƱ
Khush Bayaan o Khush Nawa o Khush Ada Milta NahiƱ
Jo Mujassam Husn Tha Woh Kya Huwa Milta NahiƱ
Khush Bayaan o Khush Nawa o Khush Ada Milta NahiƱ
Dil Nawaazi Karne Waala Dil Ruba Milta NahiƱ
Paikar e Sidq o Safa Woh Shamaāe Raah e Mustafa
Jo Mujassam e Deen Tha Woh Kya Huwa Milta NahiƱ
Mard e Maidaan e Raza Woh Haidar e Deen e Khuda
Sher Seerat Sher e Dil Haidar Numa Milta NahiƱ
HaajateƱ Kis Ko PukaareƱ Kis Ki Jaanib Rukh KareƱ
HaajateƱ Mushkil Me HaiƱ Mushkil Kusha Milta NahiƱ
Woh HaiƱ Un Me Jo KaheƱ Ajsaa-muna Arwaa-huna
Soorat e Rooh e RawaaƱ He Bar-mala Milta NahiƱ
Doob Too Bahr e Fana Me Phir Baqa Paa-ega Too
Jo Ye Keh Kar De Gaya Apna Pata Milta NahiƱ
SunniyoƱ Ki Jaan Tha Woh SayyidoƱ Ki Shaan Tha
DushmanoƱ Ke Waaste Paik e Raza Milta NahiƱ
Woh Ameen e Ahl e Sunnat Raazdaar e Murtadha
Ashraf o Afzal, Najeeb e Ba Safa Milta NahiƱ
Shibl e Sher e Karbala Woh Daafaāe Karb o Bala
Woh Hamara Ghamzuda Gham Aashna Milta NahiƱ
Ek Shaakh e Gul Hee Kya Ghamgeen He Saari Faza
Mustafa Ka Andaleeb e Khush-Nawa Milta NahiƱ
Yaad Rakhna Ham Se Sun Kar Midāhat e Haidar Hasan
Phir Kahoge Akhtar e Haidar Numa Milta NahiƱ