Tumhare Dar Pe Jo Me Baariyaab Ho Jaa-uñ
Qasam Khuda Ki Shaha Kamiyaab Ho Jaa-uñ
Jo Paa-uñ Bosa e Paa e Huzoor Kya Kehna
Me Zar’rah Shams o Qamar Ka Jawaab Ho Jaa-uñ
Meri Haqeeqat e Faani Bhi Kuch Haqeeqat He
Maruñ To Aaj Khayaal Awr Khwaab Ho Jaa-uñ
Jahaañ Ke Qaws e Quzaah Se Fareb Khaa-e Kyuñ
Me Apne Qalb o Nazar Ka Hijaab Ho Jaa-uñ
Jahaan Ki Bigri Isee Aastaañ Pe Banti He
Me Kyuñ Na Waqf e Dar Aañ-Janaab Ho Jaa-uñ
Tumhara Naam Liya He Talaatum e Gham Me
Me Ab To Paar Risaalat Ma’aab Ho Jaa-uñ
Ye Meri Doori Badal Jaa-e Qurb Se Akhtar
Agar Woh Chaaheñ To Me Baariyaab Ho Jaa-uñ