Sar Soo e Roza Jhuka Phir Tujh Ko Kya
Dil Tha Saajid Najdiya Phir Tujh Ko Kya
Bait’the Uth’te Madad Ke Waaste
Ya Rasool’Allah Kaha Phir Tujh Ko Kya
Ya Gharaz Se Chat’ke Mahz Zikr Ko
Naam e Paak Un Ka Japa Phir Tujh Ko Kya
Be-Khudi Me Sajda e Dar Ya Tawaaf
Jo Kiya Ach’cha Kiya Phir Tujh Ko Kya
Un Ko Tamleek e Maleek Ul Mulk Se
Maalik e ’Aalam Kaha Phir Tujh Ko Kya
Un Ke Naam e Paak Par Dil Jaan o Maal
Najdiya Sab Taj Diya Phir Tujh Ko Kya
Ya ’Ibaadi Keh Ke Ham Ko Shaah Ne
Apna Banda Kar Liya Phir Tujh Ko Kya
Deo Ke Bandoñ Se Kab Hai Ye Khitaab
Tu Na Un Ka Hai Na Tha Phir Tujh Ko Kya
Laa Ya’oodoon Aage Hoga Bhi Nahiñ
Tu Alag Hai Daa-ima Phir Tujh Ko Kya
Dasht e Gird o Pesh e Taiba Ka Adab
Makkah Sa Tha Ya Siwa Phir Tujh Ko Kya
Najdi Marta Hai Ke Kyuñ Ta’zeem Ki
Ye Hamaara Deen Tha Phir Tujh Ko Kya
Deo Tujh Se Khush Hai Phir Ham Kya Kareñ
Ham Se Raazi Hai Khuda Phir Tujh Ko Kya
Deo Ke Bandoñ Se Ham Ko Kya Gharaz
Ham Haiñ ‘Abd e Mustafa Phir Tujh Ko Kya
Teri Dozakh Se To Kuch Cheena Nahiñ
Khuld Me Pahuncha RAZA Phir Tujh Ko Kya