Ambia Ko Bhi Ajal Aani Hai
Magar Aisi Ke Faqat Aani Hai
Phir Usi Aan Ke Baad Un Ki Hayaat
Misl e Saabiq Wahee Jismaani Hai
Rooh To Sab Ki Hai Zinda, Un Ka
Jism Pur Noor Bhi Ruhaani Hai
Awroñ Ki Rooh Ho Kitni Hee Lateef
Un Ke Ajsaam Ke Kab Saani Hai
Paa-oñ Jis Khaak Pe Rakh Deñ Wo Bhi
Rooh Hai Paak Hai, Noorani Hai
Us Ke Azwaaj Ko Jaa-iz Hai Nikah
Us Ke Tirka Bat’ay Jo Faani Hai
Ye Haiñ Hayy e Abadi Un Ko Raza
Sidq e Wa’da Ki Qaza Maani Hai